Häerzlech Wëllkomm
Schéin dass däi Wee dech heihinner féiert.
Op dëse nächste Säiten deelen ech meng Leidenschaft zu engem déifgrënnege Liewen am Aklang mat der Natur a mam Joreskrees, meng Léift zu de Wëllkraider, zur Naturspiritualitéit, zum Klang (an all sénge Formen), zur Urweiblechkeet an domat och de Respekt zu eiser Äerd.
Ech hoffen du begleets mech fir e puer Schrëtt op mengem Wee a gëss der bewosst, dass ganzheetlecht Wuelbefannen sou déif a villfälteg sinn, wéi déng Séil et och ass.
Cynthia
Iwwert mech
Mäi Numm ass Cynthia Diogo.
Ech sinn e Naturmënsch an als Äerdzeechen Jongfra fillen ech mech déif verbonnen mat eiser Äerd. Dofir ass et mer mëttlerweil sou wichteg ginn, hir meng Stemm ze ginn.
Ech si vun Natur aus introvertéiert, verbréngen gären souvill Zäit wéi méiglech eleng an der Natur, sou lueden ech mech op.
Ech kennen keng Langweil, ech sinn e chaoteschen Liewenskënschtler, deen méi Projet'en am Kapp huet, wéi Zäit se ëmzesetzen a sinn ëmmer um kniwwelen.
Mech langweilt Smalltalk, meng Séil seent sech no déiwen Connectiounen.
Ech si zanter ëmmer e grousse Fan vun de nordesche Länner, laang wosst ech net wisou, mee wou ech de nordesche Schamanismus entdeckt hunn, huet bemol alles Sënn gemaach.
Black Moon Werifesteria
De Numm Black Moon begleet mech scho zanter 2019, deemools war et mäi Pseudonym fir meng Fotografie. Hannert dësem steet meng Léift zum Mound an awer och zur Däischtert, de Schwaarzmound also.
Wou ech meng Aktivitéit am Beräich vun der Spiritualitéit gegrënnt hunn, wollt dësen Numm onbedéngt bäibehalen. An desem Beräich beschäftegt een sech allgemeng vill mat der Luucht, wat och wonnerschéin ass. Mech faszinéiert awer och déi déif Däischterheet an deem d'Luucht gebuer gëtt. An den däischter Ecker vun eiser Séil fënnt een oft déi déifsten an wichtegst Informatiounen.
Deem huet sech den erfonnten Begrëff Werifesteria bäigefüügt, deen souvill bedeit wéi "sech am Zauber vum Bësch verléieren", wat definitiv eng vu mengen Liblingsbeschäftegungen ass. Déi déif Verbindung zur Natur bréngt net nëmmen Magie an eist Liewen, se erméiglecht eis, eis mat onser eegener Séil ze verbannen.
Natur- spiritualitéit & Schamanismus
Naturspiritualitéit ass e Liewen am Aklang mat der Natur. Mir kennen souvill vun der Natur léieren, wa mir se beobachten an eis bewosst ginn, dass och mir Mënschen en Deel vun hier sinn. Alles an der Natur ass beséilt an domat erlaabt eis eng bewosst Verbindung mat der Natur och eng déif Verbindung mat der eegener Séil, en Zréckkommen a den eegene Kär.
Et muss ee keen Schaman sinn fir de schamanesche Wee ze goen an d'Prinzippien vum Schamanismus an säi Liewen afléissen ze loossen.
En Deel vu mengen Wëssen dozou deelen ech an engem Workshop an der Natur: "Verbindung zur Natur - de Wee zréck zu dir". Méi Infos dozou, fenns de hei:
Joreskrees
E Liewen am Aklang mat der Natur heescht och déi éiweg Zyklen beobachten an éieren. Dat wat am groussen dobaussen geschitt, geschitt och am klengen bei eis bannendran.
Wann een säi Joer mam kelteschen Joreskrees begleet, kritt een ganz vill Verständnis dofir, wéi eis Anen mat dësen Zyklen gelieft hunn, wat des jeeweileg Joreszäiten fir eng Wierkung op eis hunn an wéi mir se kennen fir eis uwenden an och feieren.
Doriwwer schreiwen ech mat vill Begeeschterung a mengem Blog
Ech organiséieren an deem Sënn och Heelkreeser am Rhythmus vum Joreskrees, wou ech déi aktuell Energien erklären an zesummen schamanesch Ritualer duerchgefouert ginn, fir des Energien zu sengen Gonschten ze notzen.
Wëllkraider &
Räucherungen
Zanter deem ech meng grouss Léift ze de Kraider entdeckt hunn, ass se nëmmen nach gewuess. Mäi Fokus läit definitiv op heemesch Heelkraider, well fir mech déi Kraider déi an eisen Géigenden wuessen, déi sinn, déi eis am Beschten ënnerstëtzen kennen. Nieft der Planz hierer materieller Heelkraaft, beschäftegen ech mech ganz gären mam feinstofflechen Deel vun der Planz, dh. wéi eng Energie des Planz huet an domat och wéi eng spirituell Wierkung se op eis kann hunn. Iwwert d'Kraider an all hierer Wierkung schreiwen ech mat vill Begeeschterung a mengem Blog.
Räucheren mat lokalen Kraider ass fir mech sou iwwerliewenswichteg ginn wéi ootmen. Räucheren huet souvill Virdeeler méi, wéi just gudd richen. Och doriwwer schreiwen ech vill a gären a mengem Blog an wéi ee richteg räuchert, deelen ech a mengen 2 Workshopen:
Klang
Säit Urzäiten benotzt de Mënsch déi heelend Kräfte vun zeremonielle Klanginstrumenter wéi Gong, Klangschuel, Trommel asw. D'Ur-Kläng spriechen ons Séil un. Mat de Schwéngungen a Klangwellen déi entstinn, geet eise Kierper, deen zu engem groussen Deel aus Waasser besteet, a Resonanz.
De Klang e feste Bestanddeel vu mir. Meng Bezéiung zu menger Trommel a menger Stemm sinn op mengem schamaneschen Wee sou wichteg fir mech ginn, dass ech decidéiert hunn, eng Ausbildung an der Klangthérapie ze maachen. D'Aarbecht mat den tibetanesche Klangschuelen a mam Gong an hier déifgräifend Wierkung op Kierper a Geescht faszinéiert mech zudéifst.
Ech bidden reegelméisseg Klangheelungen am Grupp un:
Du kanns och eng eenzel Klangmassage bei mir buchen.
Black Moon Werifesteria
De Numm Black Moon begleet mech scho zanter 2019, deemools war et mäi Pseudonym fir meng Fotografie. Hannert dësem steet meng Léift zum Mound an awer och zur Däischtert, de Schwaarzmound also.
Wou ech meng Aktivitéit am Beräich vun der Spiritualitéit gegrënnt hunn, wollt dësen Numm onbedéngt bäibehalen. An desem Beräich beschäftegt een sech allgemeng vill mat der Luucht, wat och wonnerschéin ass. Mech faszinéiert awer och déi déif Däischterheet an deem d'Luucht gebuer gëtt. An den däischter Ecker vun eiser Séil fënnt een oft déi déifsten an wichtegst Informatiounen.
Deem huet sech den erfonnten Begrëff Werifesteria bäigefüügt, deen souvill bedeit wéi "sech am Zauber vum Bësch verléieren", wat definitiv eng vu mengen Liblingsbeschäftegungen ass. Déi déif Verbindung zur Natur bréngt net nëmmen Magie an eist Liewen, se erméiglecht eis, eis mat onser eegener Séil ze verbannen.
Iwwert Mech
Mäi Numm ass Cynthia Diogo.
Ech sinn e Naturmënsch an als Äerdzeechen Jongfra fillen ech mech déif verbonnen mat eiser Äerd. Dofir ass et mer mëttlerweil sou wichteg ginn, hir meng Stemm ze ginn.
Ech si vun Natur aus introvertéiert, verbréngen gären souvill Zäit wéi méiglech eleng an der Natur, sou lueden ech mech op.
Ech kennen keng Langweil, ech sinn e chaoteschen Liewenskënschtler, deen méi Projet'en am Kapp huet, wéi Zäit se ëmzesetzen a sinn ëmmer um kniwwelen.
Mech langweilt Smalltalk, meng Séil seent sech no déiwen Connectiounen.
Ech si zanter ëmmer e grousse Fan vun de nordesche Länner, laang wosst ech net wisou, mee wou ech de nordesche Schamanismus entdeckt hunn, huet bemol alles Sënn gemaach.
