top of page

Hei fenns de en Iwwerbléck vun de Fotoseancen déi ech aktuell ubidden:

SEILEFOTOGRAFIE - Portrait Seance

Du wëlls deng Verbindung zur Natur fotografesch festhalen oder wënschs der einfach natierlech Portrait'e vun dir? Dann ass des Seance fir dech.

 - D'Fotoe fannen an der Natur am Süde vum Land statt.

 - D'Seance fënnt op engem Wochendag statt.

 - "Come as you are" - du këmmers dech selwer em däin natierleche Look.

 - Dauer vun der Seance: 90 Mn.  

 - Ech verschaffe 5 Fotoen am natierleche Styl (zousätzlech Foto: 20€ / d'Stéck)

 - Des Fotoen dierfen fir perséinlech Zwecker benotzt ginn.

250 € 

SISTERHOOD Portrait Seance

Du wëlls deng Verbindung zu denger Häerzensschwester fotografesch festhalen? Dann ass des Seance fir dech.

 - D'Fotoe fannen an der Natur am Süde vum Land statt.

 - D'Seance fënnt op engem Wochendag statt.

 - "Come as you are" - dir këmmert ierch selwer em äre natierlechen Look.

 - Limitéiert op 2 Persounen

 - Dauer vun der Seance: 90 Mn.

 - Dir enthalt all d'Fotoen vun der Seance op engem USB-Stick.

 - Ech verschaffen 5 Fotoen am natierleche Styl (zousätzlech Foto: 20€ / d'Stéck)

 - Des Fotoen dierfen fir perséinlech Zwecker benotzt ginn.

450 € 

HäERZENSAKTIVITéIT SEANCE

Du bass bereet dech mat denger Häerzensaktivitéit authentesch siichtbar ze maachen a wënschs dir Fotoe fir däin Internet Site oder däi Social Media? Dann ass des Seance genee dat Richtegt fir dech. 

MINI SESSION - "TRAU DECH" 

Des Seance ass perfekt fir dech:

 - wann s de deng Aktivitéit starts oder e klenge Budget hues ,

 - wann s de nach ni Fotoe fir deng Aktivitéit gemaach hues a wanns de einfach e klenge

   Virgeschmaach wëlls kréien ,

 - wann s de deng Säiten einfach mat neie Fotoen opfrësche wëlls. 

 Detailler:          

  •   1 Location am Minett

  •   1 Outfit

  •   Preparatiounsgespréich iwwert Telefon vun 20 Mn.

  •   eng Fotosseance vun 45 Mn. op engem Wochendag

  •   5 verschaffte Fotoen am natierleche Styl

  •   Du kriss e kommerziellt, zäitlecht net limitéiert Nutzungsrecht fir däi Social Media, deng

   Websäit, Google, Flyers asw. 

350 € 

SESSION - "WEIS DECH"

Des Seance ass perfekt fir dech:

 - wann s du eng Variétéit vun Fotoe wells, mat deenen s de deng Säiten opbauen kanns an

   deng Events promoten kanns , 

 - wann s de keng Loscht méi hues, op Stockfotoen zréckzegräifen,

 - wanns de däi Lokal wëlls fierstellen.

Detailler:          

  •   2 Locations (zB. eemol do wous du deng Aktivitéit ausüübs an eemol dobaussen)*

  •   puer Outfits

  •   Preparatiounsgespréich iwwert Telefon vun 30 Mn.

  •   eng Fotosseance vun 90 Mn. op engem Wochendag oder de WE

  •   10 verschaffte Fotoen am natierleche Styl (zousätzlech verschaffte Foto: 20 €)

  •   Du kriss e kommerziellt, zäitlecht net limitéiert Nutzungsrecht fir däi Social Media, deng

   Websäit, Google, Flyers asw. 

650 € 

* ech déplacéieren mech fir en Oppräis vun 0,30 € pro km

INNER GODDESS - ARTISTESCH SEANCE

Däin Häerz seent sech no artistesche Fotoen. 

 Méi Infoe geschwenn....

DSC00598-Edit copy2.jpg

Black Moon Werifesteria

De Numm Black Moon begleet mech scho zanter 2019, deemools war et mäi Pseudonym fir meng Fotografie. Hannert dësem steet meng Léift zum Mound an awer och zur Däischtert, de Schwaarzmound also. 

Wou ech meng Aktivitéit am Beräich vun der Spiritualitéit gegrënnt hunn, wollt dësen Numm onbedéngt bäibehalen. An desem Beräich beschäftegt een sech allgemeng vill mat der Luucht, wat och wonnerschéin ass. Mech faszinéiert awer och déi déif Däischterheet an deem d'Luucht gebuer gëtt. An den däischter Ecker vun eiser Séil fënnt een oft déi déifsten an wichtegst Informatiounen.

Deem huet sech den erfonnten Begrëff Werifesteria bäigefüügt, deen souvill bedeit wéi "sech am Zauber vum Bësch verléieren", wat definitiv eng vu mengen Liblingsbeschäftegungen ass. Déi déif Verbindung zur Natur bréngt net nëmmen Magie an eist Liewen, se erméiglecht eis, eis mat onser eegener Séil ze verbannen.

Iwwert Mech

Mäi Numm ass Cynthia Diogo. 

Ech sinn e Naturmënsch an als Äerdzeechen Jongfra fillen ech mech déif verbonnen mat eiser Äerd. Dofir ass et mer mëttlerweil sou wichteg ginn, hir meng Stemm ze ginn. 

Ech si vun Natur aus introvertéiert, verbréngen gären souvill Zäit wéi méiglech eleng an der Natur, sou lueden ech mech op.

Ech kennen keng Langweil, ech sinn e chaoteschen Liewenskënschtler, deen méi Projet'en am Kapp huet, wéi Zäit se ëmzesetzen a sinn ëmmer um kniwwelen.

 

Mech langweilt Smalltalk, meng Séil seent sech no déiwen Connectiounen. 

 

Ech si zanter ëmmer e grousse Fan vun de nordesche Länner, laang wosst ech net wisou, mee wou ech de nordesche Schamanismus entdeckt hunn, huet bemol alles Sënn gemaach. 

selfportrait.jpg
bottom of page